VAA(VHCA Alumni Association)

 ကော်ဖီက ကောင်းတယ် ၊ မကောင်းဘူး ငြင်းနေတဲ့သူတွေ ဘယ်သူမှန်လဲ ???? ကော်ဖီဆိုတာ လူတိုင်းကြိုက်နှစ်သက်စွာ ၊ စွဲလမ်းစွာသောက်ကြတဲ့ သောက်စရာတစ်ခုပါ။ တချို့ တစ်နေ့ကို ကော်ဖီ တစ်ခွက်လောက်မှ မသောက်ရရင် တစ်ခုခုလိုနေသလိုမျိုး ကော်ဖီ စွဲနေကြတဲ့သူတွေရှိပါတယ်။ ကော်ဖီသောက်တာ ကျန်းမာရေးအတွက်ကောင်းတယ်၊ တစ်ချို့ကလည်း ကော်ဖီက ကျန်းမာရေးကိုထိခိုက်စေတယ်ဆိုပြီး အုပ်စု နှစ်ခြမ်းကွဲပြီး ငြင်းခုန်လာကြတာ ရာစုနှစ် တစ်ခုကိုချီနေပါပြီ။ ဒီအုပ်စုကြီးနှစ်ခုမှာ ဘယ်သူမှန်လဲ။ ဘယ်သူမှားလဲ။ ☕ ကော်ဖီရဲ့ ကောင်းကျိုး ဆိုးကျိုးတွေ  ကော်ဖီကကောင်းတယ်၊ ကော်ဖီက မကောင်းဘူးဆိုတဲ့ နှစ်ခြမ်းကွဲနေတဲ့ အုပ်စုနှစ်ခုမှာ အရမ်းကြီးမှန်တဲ့သူလည်း မရှိသလို လုံးဝ မှားနေတဲ့သူတွေ လည်း မရှိပါဘူး။ ဘာကြောင့်လဲဆိုတော့ ကော်ဖီသောက်တာဟာ ကျန်းမာရေးကို အထောက်အကူပြုသလို ကျန်းမာရေးကို လည်း ထိခိုက်စေပါတယ်။ ☕ ကော်ဖီသောက်ခြင်းရဲ့ ကောင်းကျိုးများ  ကော်ဖီမှာ ပါတဲ့ ကဖင်းဓာတ်က ဦးနှောက်မှာရှိတဲ့ မောပန်းစေတဲ့ အာရုံကြောအချက်ပြ စနစ်ကို ပိတ်လိုက်တာကြောင့် ကော်ဖီသောက်ရင် လန်းဆန်းတက်ကြွစေပြီး အားအင်ပြည့်ဝစေပါတယ်။ ကဖင်းဓာတ်ကြောင့်ဇီဝကမ္မဖြစ်စဉ် တွေလည်း မြန်လာ...

 သတိလစ်ခြင်း ( Unconscious )  သတိလစ်ခြင်းသည် အဆုတ်အတွင်းသို့ လေအပြည့်အဝမရ၍ အောက်ဆီဂျင် လုံလောက်စွာ မရရှိခြင်းကြောင့် ခန္ဓာကိုယ်အတွင်းရှိ ကလာပ်စည်းများသို့ မပေးပို့နိုင်၍ ဦးနှောက်၏ သာမန်လုပ်ငန်းစဥ်များ ယိုယွင်းသွားခြင်း ဖြစ်ပါသည်။  သတိလစ်သောလူနာအား အလျင်အမြန်ပြုစုခြင်း မပြုလုပ်နိုင်ပါက အခြေအနေ ပိုမိုဆိုးဝါးပြီး အသက်အန္တရာယ် ထိခိုက်နိုင်ပါသည်။ 💠 ဖြစ်စေသည့် အကြောင်းအရင်းများ 🔵 သတိလစ်ခြင်းကို ဖြစ်စေသည့် အကြောင်းအရင်းများမှာ -  🔹 ဦးခေါင်းဒဏ်ရာရရှိခြင်း  🔹 ခန္ဓာကိုယ်တွင် ပြင်းထန်စွာ ဒဏ်ရာရခြင်း 🔹 သွေးယိုစီးခြင်း ၊ အဆိပ်မိခြင်း 🔹 ဝက်ရူးပြန်ခြင်း ၊ ဆီးချိုရောဂါ ၊ နှလုံးရောဂါ 🔹 ကိုယ်အပူချိန် အလွန်မြင့်မား၍ တက်ခြင်း  🔹 ဦးနှောက်တွင်း သွေးယိုထွက်ခြင်း (သွေးတိုး) 🔹 ဦးနှောက်တွင်း အမြှေးပါးယောင်ခြင်း 🔹 ဦးနှောက်တွင်း အဖုအကြိတ်များ ဖြစ်ခြင်းတို့ကြောင့် ဖြစ်ပါသည်။ 💠 ပြုစုခြင်း  ၁။ လူနာ၏ တုန့်ပြန်မှုအဆင့်ကို အောက်ပါအတိုင်း ဆန်းစစ်ပြီး မှတ်သားပါ။ A = Alert နိုးကြားမှုရှိ/မရှိကို စစ်ဆေးပါ။ V = Response to Voice အသံဖြင့် ခေါ်ကြည့်ပါ။ P = Response to Pai...

 လေဖြတ် ကာကွယ်ဆေး ထိုးကြမလား လေဖြတ် ရောဂါကို ကာကွယ်ဆေးထိုးပြီး ကာကွယ်လို့ရတယ်ဆိုတာ ကြားဖူးပါသလား။ ပတ်ဝန်းကျင်မှာရော သူများတွေသွားထိုးတာကို မြင်ဖူးပါသလား။ သွေးတိုးရောဂါရှိနေတာ လေမဖြတ်အောင် ကာကွယ်ဆေးသွားထိုးပါလားလို့ အပြောခံရဘူးလား။ တကယ်ပဲ ကာကွယ်လို့ရတယ်လို့ထင်ပါသလား။ တစ်ခါတစ်ခါ သိန်းချီပေးပြီးထိုးနေရတဲ့ ဒီကာကွယ်ဆေးတွေက တကယ်ပဲ မကာကွယ်နိုင်ဘူးဆိုရင် ဘယ်လိုလုပ်မလဲ။ ဘယ်လိုပဲဖြစ်ဖြစ် အဖြစ်များတဲ့၊ အသက်အန္တရာယ်ရှိတဲ့ လေဖြတ် ရောဂါကို ကာကွယ်ချင်တာ လူတိုင်းရဲ့ ဆန္ဒပါ။ ဒါပေမယ့် တကယ့်ကာကွယ်နည်းက သပ်သပ်ရှိနေပါတယ်။ ဒါဘာလဲဆိုတာ ဆက်ကြည့်ရအောင်။ 💠 လေဖြတ် တယ်ဆိုတာဘာလဲ လေဖြတ် တယ်ဆိုတာ ဦးနှောက်ကို သွေးကောင်းကောင်းမရောက်လို့ ဦးနှောက်သားပုပ်သွားတာပါ။ သွေးကြောပေါက်လို့ ဖြစ်နိုင်သလို၊ သွေးခဲပိတ်လို့လည်း ဖြစ်နိုင်ပါတယ်။ အသက်အန္တရာယ်မထိခိုက်ရင်တောင်မှ အားလုံးသိတဲ့အတိုင်း လူက အကောင်းအတိုင်းပြန်ဖြစ်ဖို့ တော်တော်အချိန်ယူရမှာပါ။ 💠 ဘယ်သူတွေပိုဖြစ်နိုင်လဲ ▫ အဝလွန်တဲ့သူတွေ ▫ အရက်အလွန်အကျွံသောက်တဲ့သူတွေ ▫ ဆေးလိပ်သောက်တဲ့သူတွေ ▫ မူးယစ်ဆေးသုံးတဲ့သူတွေ ▫ သွေးတိုးတဲ့သူတွေ ▫ ကိုလက်စထရောများတဲ့သူတွေ ▫ ဆီးချိုရောဂါရှိ...

 ယာယီလေဖြတ်ခြင်း အကြောင်း သိထားသင့်သမျှ မပေါ့ဆသင့်တဲ့ ကျန်းမာရေးပြဿနာတွေထဲမှာ ယာယီလေဖြတ်ခြင်း (Transient Ischemic Attack) ဟာလည်း တစ်ခုအပါအဝင်ပါ။ ယာယီလေဖြတ်ခြင်းဟာ များသောအားဖြင့် လေဖြတ်တော့မယ်ဆိုတဲ့ နိမိတ်လက္ခဏာတစ်ခုဖြစ်ပြီး ဂရုမစိုက်ဘူးဆိုရင် သိပ်မကြာခင်ကာလမှာ လေဖြတ်ဝေဒနာခံစားရနိုင်ခြေ မြင့်မားလှပါတယ်။ ပုံမှန်အားဖြင့် Ministroke လို့လည်းခေါ်ဆိုကြတဲ့ ယာယီလေဖြတ်ခြင်း ဟာ လေဖြတ်ဝေဒနာနဲ့ လက္ခဏာအားလုံး တူညီနေတတ်ပါတယ်။ အဓိက ကွဲပြားချက်ကတော့ အချိန်ကာလဖြစ်ပြီးတော့ ယာယီလေဖြတ်တယ်ဆိုရင် အချိန်ကာလ အနည်းငယ်သာဖြစ်လေ့ဖြစ်ထရှိပါတယ်။ ယာယီလေဖြတ်တာဟာ မိနစ် အနည်းငယ်ကနေ နာရီပိုင်း၊ တစ်ခါတစ်ရံ ၂၄ နာရီဝန်းကျင်အထိ ကြာမြင့်တတ်ပါတယ်။ များသောအားဖြင့် ယာယီလေဖြတ်တာဖြစ်ပြီး ၄၈နာရီဝန်းကျင်မှာ လေဖြတ်ဝေဒနာကို ကြုံရတတ်ပါတယ်။ 🔴 ဘာကြောင့် ယာယီလေဖြတ်ခြင်း ဖြစ်ရတာလဲ ယာယီလေဖြတ်ခြင်းဟာ လေဖြတ်ဝေဒနာအမျိုးအစားတစ်မျိုးဖြစ်တဲ့ Ischemic Stroke နဲ့ မူလဇစ်မြစ်ခြင်းတူညီပါတယ်။ Ischemic Stroke ဖြစ်ရတဲ့အကြောင်းအရင်းက ဦးနှောက်ကို သွေးစီးဆင်းမှု နည်းပါးပြီး အောက်ဆီဂျင်လုံလောက်စွာမရရှိတာကြောင့် သွေးမရတော့တဲ့ အာရုံကြောက ထိန်းချုပ်ထားတဲ...

 လက်ပြင်ကြောနာနေတာကို သက်သာစေဖို့အတွက် နည်းလမ်းကောင်းများ လက်ပြင်ကြောနာတာက အဖြစ်များတဲ့ အရိုးအကြောနာကျင်မှု တစ်ခုပါပဲ။ ဒီလိုနာကျင်တာက နေ့စဉ်ဘဝရဲ့ လှုပ်ရှားမှုတွေကို အတော်လေး ထိခိုက်စေနိုင်ပါတယ်။ ဒီတစ်ခေါက်တော့ လက်ပြင်ကြောနာတာကို သက်သာစေဖို့ အထိရောက်ဆုံး နည်းလမ်းလေးတွေကို မျှဝေပေးချင်ပါတယ်။ ကဲ …. လက်ပြင်ကြောနာနေတာကို သက်သာစေဖို့အတွက် နည်းလမ်းကောင်းများကို အတူတူ ဆက်ကြည့်လိုက်ရအောင်နော်။ 🔴 လက်ပြင်ဆိုတာ ဘယ်နေရာမှာ ရှိတာလဲ လက်ပြင်ဆိုတာက ပခုံးအောက်ဖက်နားက တြိဂံပုံစံ အရိုးပြားပါ။ ဘယ်ဘက်မှာ တစ်ခု ညာဘက်မှာ တစ်ခု ရှိပါတယ်။ လက်တွေကို လှုပ်ရှားမှု ကောင်းကောင်း လုပ်ဆောင်နိုင်စေဖို့ ထောက်ကူပေးပါတယ်။ ဒီလို အရေးပါတဲ့ အစိတ်အပိုင်းကို ကြွက်သား အုပ်စု ၃ ခုနဲ့ ဖွဲ့စည်းထားပါတယ်။ ဘယ်အချက်တွေက လက်ပြင်ကြောနာစေတာလဲဆိုတာနဲ့ လက်ပြင်ကြောနာတာ သက်သာအောင် ဘယ်လိုနည်းလမ်းလေးတွေ လုပ်ဆောင်ပေးလို့ ရမလဲဆိုတာကို ပြောပြပေးသွားပါမယ်။ 🔴 ဘယ်လိုအချက်တွေက လက်ပြင်ကြော နာတာကို ဖြစ်စေတာလဲ ကြွက်သားမှာ ဒါမှမဟုတ် အရွတ်မှာ ထိခိုက်ဒဏ်ရာရတာက လက်ပြင်ကြော နာတာကို ဖြစ်စေတဲ့ အဓိက ကျတဲ့ အကြောင်းအရင်းတွေထဲက တစ်ခုပါ။ ဒီအချက်တွေအပြင် - ♦ ...

 အဖြစ်များတဲ့ အစိုးရိမ်လွန် ခြင်း ပြဿနာများ ကိုယ်မနှစ်သက်တာတစ်ခုခုနဲ့ တွေ့တဲ့အခါ စိတ်ထဲမှာ စိုးရိမ်တာ၊ ကြောက်လန့်တာ ဖြစ်တတ်ပါတယ်။ ဒါက ကမ္ဘာဦး အစတည်းက လူသားတွေရဲ့ ကိုယ်ထဲမှာ အသက်ရှင်ဖို့အတွက် ထည့်ပေးထားတဲ့ စွမ်းရည်တစ်ခုပါ။ ဥပမာ - ကျားနဲ့ တွေ့တဲ့အခါ ကြောက်စိတ်မဖြစ်ရင် ထွက်ပြေးဖို့ ကြိုးစားမှာ မဟုတ်ပါဘူး။ မနက်ဖြန်စာမေးပွဲရှိတာကို စိုးရိမ်စိတ်မဝင်ရင်လည်း စာကျက်မှာ မဟုတ်ပါဘူး။ ဒါကြောင့် စိုးရိမ်စိတ်၊ ကြောက်ရွံ့စိတ်ဆိုတာက ရှိသင့်ပါတယ်။ ဒါပေမယ့် ရှိသင့်တာထက် အစိုးရိမ်လွန် လာပြီဆိုရင်တော့ ဒါကရောဂါတစ်ခုဖြစ်သွားပါပြီ။ 🔴 အစိုးရိမ်လွန် နေပြီဆိုတာ ဘယ်လိုသိနိုင်မလဲ လူတိုင်း ကြောက်တတ်၊ စိုးရိမ်တတ်ပါတယ်။ ဒါက ပြဿနာ မဟုတ်ပါ။ ဒါပေမယ့် လိုတာထက် ပိုလာပြီဆိုရင်တော့ စိတ်ရောဂါလို့ သတ်မှတ်နိုင်ပါတယ်။ လိုတာထက်ပိုတယ်ဆိုတာက အခြေအနေတစ်ခုကို အလွန်အကျွံ တုံ့ပြန်တာ၊ ရုပ်ပိုင်းဆိုင်ရာ လက္ခဏာတွေဖြစ်တဲ့အထိ တုံ့ပြန်တာပဲ ဖြစ်ပါတယ်။ အင်တာဗျုးဖြေရမယ်ဆိုရင် လူတိုင်း စိတ်လှုပ်ရှားကြပါတယ်။ မဖြေခင်ဆို ရင်တုန်သလို၊ ချွေးစေးတွေ ထွက်ချင်သလို ဖြစ်လာပါတယ်။ ဒါပေမယ့် ဖြေပြီးသွားရင်တော့ ပုံမှန်ပဲ ဖြစ်သွားပါတယ်။ ဖြေပြီးသွားရင် စို...