ဓာတုဗေဒဆေးများ အန္တရာယ်

 🏵 ဓာတုဗေဒဆေးများ အန္တရာယ် 🏵

           အခုအခါမှာ ဓာတုဗေဒဆေးများစွာ အသုံးပြုပြီး စိုက်ပျိုးရေး စားသောက်ကုန် ထုတ်လုပ်ရေး လုပ်ငန်းများစွာကို ဆောင်ရွက်နေတာ တွေ့နိုင်ပါတယ် ။ သီးနှံများအထွက်တိုးခြင်း ၊ ဖွံ့ဖြိုးကြီးထွားခြင်း ၊ ကူးစက်ရောဂါများ အပါအဝင် အခြားရောဂါများမှ ကာကွယ်နိုင်ခြင်း အပါအဝင် အခြား အကျိုးရလဒ်များ ရရှိပါတယ် ။ ဒီလို လုပ်ငန်းများ သာမကဘဲ ကျွန်တော်တို့ ပတ်ဝန်းကျင်မှာ ရှိတဲ့ အခြားစားဝတ်နေမှု လုပ်ငန်းများမှာလည်း ဓာတုဗေဒပစ္စည်းများ ပါဝင်နေကြပါတယ် ။ ဒီဓာတုဗေဒပစ္စည်းတွေကို သူ့နေရာနဲ့သူ စနစ်တကျ အံဝင်ခွင်ကျ အသုံးပြုရင် အကျိုးပြုနိုင်ပေမယ့် တလွဲသုံးရင်တော့ အန္တရာယ်များနိုင်တယ်လို့ ယူဆမိပါတယ် ။ 

          ဥပမာ - ချည်ထည်ဆိုးဆေးကို စားသောက်ကုန်လုပ်ငန်းများမှာ သုံးတာမျိုး ၊ ပိုးသတ်ဆေးများကို ပရမ်းပတာသုံးတာမျိုးဖြစ်ပါတယ် ။ ပြီးတော့ ဓာတုဗေဒဆေးများကို အသုံးပြုရာတွင် ဓာတ်ကြွင်း Residue ပါဝင်မှုပမာဏကလည်း အရေးကြီးလှကြောင်း သိရပါတယ် ။

              ဓာတ်ကြွင်းဆိုတာဟာ သီးနှံစားသောက်ကုန် စသည်တို့မှာ အသုံးပြုပြီး လူ့ပတ်ဝန်းကျင်မှာ ကျန်ရစ်ခဲ့တဲ့ ဓာတုပစ္စည်း အကြွင်းအကျန်များ ဖြစ်ပါတယ် ။ အဲဒီမှာ အဆိပ်ရှိပစ္စည်းများ အဆင့်ဆင့် ပြောင်းလဲသွားသော ဓာတုပစ္စည်းများ နဲ့ မသန့်စင်တဲ့ ပစ္စည်းများ ပါဝင်ပါတယ် ။ ဒီဓာတ်ကြွင်းတွေမှာ Maximum Residue Limit အမြင့်ဆုံး ဓာတုဆေး ဓာတ်ကြွင်းပါဝင်မှုကို သတ်မှတ်ထားပါတယ် ။

           သီးနှံ ၊ အစားအစာတို့ကို ရိတ်သိမ်းချိန် ၊ သိုလှောင်ချိန် ၊ သယ်ယူပို့်ဆောင်ချိန် ၊ ရောင်းဝယ်ဖြန့်ဖြူးချိန် ၊ စားသုံးသူ လက်ထဲရောက်ရှိချိန် စသည့် အဆင့်ဆင့်သော အချိန်တို့မှာ ရှိသင့်သည့် သတ်မှတ်ထားတဲ့ ပမာဏဖြစ်ပါတယ် ။ Maximum Residue Limit ကို PPM ( Parts Per Million ) နှင့် ဖော်ပြတတ်ပါတယ် ။ 

           ဓာတုဆေးရွေးချယ်မှု မမှန်ကန်ခြင်း ၊ နှုန်းထားပိုမိုသုံးစွဲခြင်း ၊ မလိုအပ်ဘဲ သုံးစွဲခြင်း ၊ အရည်အသွေး မပြည့်မီတဲ့ ဓာတုဆေးများ သုံးစွဲခြင်း ၊ ပျက်စီးနေသော ဆေးဖျန်းကိရိယာများ သုံးစွဲခြင်း ၊ ဆေးဖျန်းအကြိမ်ပိုမိုခြင်း ၊ အသုံးပြုသည့်ပုံစံမမှန်ခြင်း ၊ သုံးပြီးဓာတုပစ္စည်းများကို စနစ်တကျ မစွန့်ပစ်ခြင်း စသည်တို့ကြောင့် ဓာတုဓာတ်ကြွင်းပမာဏ ပိုမိုနေခြင်းဖြစ်ပါတယ် ။ သီးနှံများ ၊ ငါး ၊ ပုစွန်များမှာ သာမက အခြားအစားအစာများ ၊ ပတ်ဝန်းကျင် မြေလေရေတို့မှာ မလိုအပ်တဲ့ ဓာတုဓာတ်ကြွင်းများ ရောပြွမ်းနေပြီး လူနဲ့ အခြားသက်ရှိတို့ကို အန္တရာယ်ပြုနေတာ တွေ့နိုင်ပါတယ် ။ 

             ဒါ့အပြင် အချို့ဓာတုဆေးများကို သတ်မှတ်ထားတဲ့ နေရာများ မသုံးဘဲ မလိုအပ်တဲ့နေရာတွေမှာ သုံးနေကြတာကြောင့် ပိုမို အန္တရာယ်ကြုံနေရပါတယ် ။ ဥပမာ - ဒီဒီတီ ( DDT )လို အန္တရာယ်ရှိ ငှက်ဖျားပိုးအပါအဝင် ပိုးသတ်ဆေးမျိုးကို သိုလှောင်ထားတဲ့သီးနှံ ဖျက်ပိုးများရန်မှ ကာကွယ်ရေးအတွက် သုံးတာ ၊ ငါးဖမ်းရာမှာ ပိုးသတ်ဆေးများသုံးတာ ၊ ငါးပိ ၊ ငါးခြောက်လုပ်ငန်းများမှာ လောက်သေစေဖို့ ပိုးသတ်ဆေးများသုံးတာ စသည်တို့ ဖြစ်ပါတယ် ။

တော်တော်ဆိုးဆိုးရွားရွားတွေ့ရတာက သစ်သီးဝလံတွေ အမြန်မှည့်စေအောင် ဓာတုဆေးစိမ်တာ၊ အညှာကို‌ ဆေးတို့တာတို့ပဲ ဖြစ်ပါတယ်။ 

ဓာတုဆေးတွေမှာ Plant Growth Regulation လို့ခေါ်တဲ့ အပင်ကို လျင်မြန်စွာ ကြီးထွားပြီး သီးပွင့်နိုင်တဲ့ ဟော်မုန်းတစ်မျိုးဖြစ်တဲ့ Chloroethyl Prosphoric Acid (Etrephon) အမည်ရှိ ဓာတုဆေးပါဝင်နေပါတယ် ။

ဒီဓာတု‌ဆေးတွေဟာ စနစ်တကျ မသုံးရင် အန္တရာယ် ရှိနိုင်ပါတယ် ။ 

ခရမ်းချဉ်သီး ၊ ငရုတ်သီး ၊ ငှက်ပျောသီး ၊ သရက်သီး စတဲ့ သစ်သီးဝလံတို့ကို အရောင်လှစေဖို့ EPN ကဲ့သို့ ဆေးမျိုးများသုံးစွဲခြင်းကြောင့်လည်း စားသုံးသူတို့အဖို့ အန္တရာယ်ကြီးလှကြောင်း သိရှိရပါတယ် ။

ဓာတု‌ဗေဒဆေးများ၏ အန္တရာယ်ကြောင့် ဆေးအဆိပ်သင့်မှုဆိုင်ရာ ရောဂါများ ၊

ပိုးသတ်ဆေး အဆိပ်သင့်မှုကြောင့် ခေါင်းမူးခြင်း ၊ မူးဝေခြင်း ၊ ‌အော့အန်ခြင်း ၊ ဗိုက်နာခြင်း ၊ ချွေးပြန်ခြင်း ၊ မျက်ရည်ကျခြင်း ၊ တက်ခြင်း စသည့် ဝေဒနာများကို ခံစားရတတ်ပါသည် ။ တစ်ခါတစ်ရံ ပြင်းထန်တဲ့ အန္တရာယ်များအထိ တွေ့ကြုံခံစားရတတ်ပါတယ် ။ 

ဒါကြောင့် ဓာတုဆေးများ၏ အန္တရာယ်များမှ ကင်းဝေးစေရန် အောက်ပါအချက်များကို သတိပြုလိုက်နာသင့်ပါတယ် ။

- ဓာတုဆေးများကို လိုအပ်မှသာ သုံးစွဲခြင်း ၊

- မှန်ကန်သော ဆေးမျိုးကိုသာ ရွေးချယ်သုံးစွဲခြင်း ၊

- သုံးစွဲရမည့် ပမာဏ မှန်ကန်မှုရှိစေခြင်း ၊

- အရည်အသွေးပြည့်မီသော ဆေးကိုသာ သုံးစွဲခြင်း ၊

- သုံးစွဲရသည့် အကြိမ်အရေအတွက် မှန်ကန်ခြင်း ၊

- ‌ဆေးများကို စနစ်တကျ သိမ်းဆည်းထားရှိခြင်း ၊

- သုံးစွဲပုံ နည်းစနစ် မှန်ကန်မှုရှိခြင်း ၊

- အသုံးပြုပြီးသားဆေးကို စနစ်တကျ စွန့်ပစ်ခြင်း ၊

- ဓာတုဆေးထုတ်လုပ်သူတို့ဘက်မှလည်း အညွှန်းစာတွင် ပြည့်စုံစွာ ဖော်ပြထားရှိခြင်း ၊

- သက်တမ်းလွန်နေသည့် ‌ဆေးများကို အသုံးမပြုခြင်း

စသည့် အချက်များကို စနစ်တကျ တိကျသေချာစွာ လိုက်နာသင့်ပါသည် ။

အကြောင်းမှာ 

ဓာတုဆေးဝါးများ၏ ဓာတ်ကြွင်းများကြောင့် လူအများ၏ ခုခံအားစနစ်ကိုပါ ထိခိုက်နိုင်ကြောင်း သိရပါသည် ။ ဒါကြောင့် ဇင့်(သွပ်ဓာတ်) အပါအဝင် အသင့်ဖော်ထုတ်ထားတဲ့ အကျိုးပြုဆေးဝါးများကိုလည်း မမေ့အပ်ကြောင်းကိုလည်း တင်ပြပေးလိုက်ရပါတယ်ရှင် ။

ယခုအခါ နည်းပညာများလည်း ဖွံ့ဖြိုးတိုးတက်လာပြီး အပင်များ ကြီးထွား‌စေသည့် Organic ဓာတ်မြေဩဇာများနှင့် နည်းလမ်းများလည်း ပေါ်လာပြီဖြစ်လို့ ကျန်းမာရေး အသိ ၊ သတိနှင့် အော်ဂဲနစ် အသီးအနှံများကို ရွေးချယ်ဝယ်ယူစားသုံးခြင်းဖြင့် မိမိတို့ရဲ့ ကျန်းမာရေးကို ဂရုစိုက်ကြရအောင်နော် 💕💕💕

VAA - VHCA Alumni Association