အင်ဆူလင် အကြည်နှင့်အနောက် အကြောင်း

 အင်ဆူလင်အကြည်နှင့်အနောက်အကြောင်းခွဲခြားသိရန်

ဆီးချိုရောဂါကို "Diabetes" လို့ခေါ်ပါတယ်။

ဆီးချိုရောဂါအတွက် အဓိကထား ထိုးသွင်းရသည့် ဟော်မုန်းဓာတ်ပါ၀င်တဲ့ "Insulin" အင်ဆူလင် ထိုးဆေးဟာ သိုးများ၏ သရက်ရွက်မှ (spleen) ထုတ်လုပ်ရရှိပါတယ်။

အင်ဆူလင် ထိုးဆေး (၂) မျိုး 

✳️✳️အင်ဆူလင် ထိုးဆေးမှာ✳️✳️

☘ (၁) အာနိသင်တိုတို နှင့် ချက်ချင်းထိုး၊ ချက်ချင်းအာနိသင် ရတဲ့ဆေး ၊ အာနိသင်ကလည်း ကြာကြာ မ ခံဘူး ၊ အာနိသင် မြန်မြန်ရတဲ့ အမျိုးအစား Soluble Insulin - ပျော်လွယ်တဲ့ အင်ဆူလင်

☘(၂) ခန္ဓာကိုယ်ထဲမှာ အင်ဆူလင် အာနိသင် ကြာကြာခံ တဲ့ အမျိုးအစား Long Action Insulin 

          ***

☘ (၁) ပျော်လွယ်တဲ့ အင်ဆူလင်- Soluble Insulin

☘ ပျော်လွယ်တဲ့ အင်ဆူလင်မှန်း ဘယ်လို သိနိုင်လဲ ဆိုရင် 

  👉 အင်ဆူလင် ပုလင်းကို ထောင်ကြည့်

လိုက် ရင် ရေ လို ကြည်နေတယ်။ 

☘ ရေ အရောင်အတိုင်းပဲ ဖြစ်နေတယ်။ 

အဲ ဒီအင်ဆူလင်ကို 

☑️အရေပြား အောက် မှာလည်း ထိုးလို့ရတယ် ။ 

☑️အသားထဲလည်း ထိုးလို့ရတယ်။ 

☑️အရေးပေါ်လိုအပ်လို့ (IV) သွေးပြန်ကြောထဲ ထိုးချင်လည်း ရတယ်။ 

☘ သူရဲ့ အာနိသင်က ထိုးပြီး "နာရီ၀က်" အတောအတွင်းမှာ စပြီး အာနိသင်ရတယ်။ 

☘ ပြီး‌တော့ အဲ့အာနိသင်က (၆) နာရီလောက်ထိ ကြာကြာခံတယ်။ 

☘ Soluble Insulin ကို သုံးပြီးတော့ ကိုယ်ထဲက အင်ဆူလင်ကို ထိန်းမယ်ဆိုရင် (၆) နာရီပဲ ခံတဲ့အတွက်ကြောင့် လူတစ်ယောက် တစ်နေ့ကို (၂၄) နာရီအတွက် အနည်းဆုံး (၄) ကြိမ်ထိုးရပါမယ်။ 

☘ နာရီ၀က် အတွင်း မှ စ ပြီးရတဲ့ အတွက် ထိုးပြီး နာရီ၀က်ကြာ မှ အစား၊အသောက် စားသင့်ပါတယ်။ 

☘ ဘာကြောင့်လည်းဆိုတော့......

ဆေးထိုးပြီး နာရီ၀က် ကြာမှ စားတဲ့အချိန် မှာ ကိုယ်ထဲက သကြားဓါတ်တွေ တက်လာမည့်အချိန်နှင့် အင်ဆူလင် အာနိသင်ပြမည့် အချိန် ကွက်တိကိုက်မှသာလျှင် သကြားဓါတ်ကို အရမ်း မ များအောင် အင်ဆူလင်က ထိန်းပေးရာရောက်ပါတယ်။ 

☘ ဒါကြောင့် .......

အင်ဆူလင်ကို ထိုးမယ် ဆိုရင် အစား မ စားမှီ နာရီ၀က် ကြိုထိုးရပါမယ်။

ထိုးပြီးလျှင်လည်း နာရီဝက်အတွင်း အစာစားရပါမယ်။

                 *

☘ (၂) ခန္ဓာကိုယ်ထဲ မှာ အင်ဆူလင် အာနိသင် ကြာကြာခံတဲ့ အမျိုးအစား Long Action Insulin 

☘ Long Action Insulin ကတော့...

ပုလင်းကို ထောင်ကြည့်လိုက်လျှင် အင်ဆူလင် အရည်က မှိုင်းထိုင်းထိုင်းနဲ့ အနောက်ရည် ဖြစ်ပါတယ်။ 

☘ သူရဲ့ အာနိသင်ကတော့ အနည်းဆုံး (24) နာရီ ကနေ (36) နာရီအထိ အာနိသင်ရှိပါတယ်။ 

☘ အာနိသင် စ ရတာကတော့ Soluble Insulin လို နာရီ၀က်အတွင်းမှာ မရဘူး 

ဆေးထိုးပြီး (၂) နာရီ အကြာမှာမှ စ ရပါတယ်။ 

☘ အဲဒီ အနောက်ရည်ကို ထိုးမယ်ဆိုရင်ထမင်းစားပြီး ချက်ချင်း တက်လာမယ့် သကြားဓာတ်ကို ချက်ချင်း ထိန်းမပေးနိုင်ဘူး။ 

☘ ထိုးပြီး (၂) နာရီ ကြာမှ အာနိသင်ရမှာဖြစ်တဲ့အတွက် ထမင်းစားပြီး နာရီ၀က် အတွင်းတက် လာမည့် သွေးထဲက သကြားဓာတ်ကိုတော့ ထိန်းလို့မရပါဘူး။ 

☘ ဒါပေမဲ့ ......

စားထားတဲ့ သကြားဓာတ်တွေကတော့ ဒီ အင်ဆူလင် ထိုးမှ ရပါမယ်။ (24) နာရီ ခံတဲ့အတွက်ကြောင့် သာမန်အားဖြင့် တစ်နေ့ကို တစ်ကြိမ် ထိုးရုံဖြင့် လုံလောက်ပါတယ်။ 

☘ ပုံမှန်အားဖြင့်...... 

လူနာအခြေအနေပေါ် မူတည်ပြီး မနက် နဲ့ ည (၂) ကြိမ် ခွဲထိုးကြပါတယ်။

☘ Long Action Insulin ကို 

☑️အရေပြားအောက် မှာပဲ ထိုးရပါတယ်။ 

❎အသားထဲ၊ အကြောထဲ လုံး၀ လုံးဝ ထိုးလို့မရပါဘူး။

☘ Soluble Insulin နဲ့ လည်း တွဲထိုးလို့ ရပါတယ်။ 

☘ အင်ဆူလင် နဲ့ လူနာကို (၂၄) နာရီ သွေးချိုမတက်အောင် ထိန်းမယ်ဆိုရင် အစာ စားပြီး ချက်ချင်း တက်လာမယ့် သွေးချိုဓာတ်ကို ထိန်းဖို့အတွက် Soluble Insulin ကို အစာ မ စားခင် ထိုးဖို့ လိုအပ်ပါတယ်။ 

☘ နောက်ပြီးတော့ နာရီ၀က် နောက်ပိုင်းမှာ တဖြည်းဖြည်း တက်လာမယ့် သွေးချို ဓာတ်တွေ ၊ ညပိုင်းမှာ အသည်းက ထုတ်ပေးတဲ့ သကြားဓာတ်တွေနဲ့ ကိုယ်ထဲမှာ တက်နေ တဲ့ သွေးချိုဓာတ်တွေကို ထိန်းဖို့ဆိုရင် အနောက်ရည် အင်ဆူလင်ကိုလည်း ထိုးပေးရမှာ ဖြစ်ပါတယ်။ 

☘ သွေးချိုဓာတ် (၂၄) နာရီ ကောင်းနေဖို့ဆိုရင် အင်ဆူလင် အကြည် နဲ့ အနောက် (၂) မျိုးပေါင်းထိုးမှ သာလျှင် သွေးထဲမှာ ရှိတဲ့ သကြားဓာတ်ကို ထိန်းပေးနိုင်ပါတယ်။ 

☘ ခုနောက်ပိုင်းမှာ .....

Premixed Insulin လို့ ခေါ်တဲ့ ကြိုတင်ရောပြီးသား အင်ဆူလင်တွေ ပေါ် လာပါတယ်။ အင်ဆူလင် အကြည်ရည် နဲ့ အနောက်ရည် ကို တစ်ခု ချင်းစုပ်ပြီး ထိုးစရာမလိုဘဲ၊ ရောပြီးသားလာ တဲ့အတွက် ထိုးမည့်အချိန်ရောက်ရင် တိုက်ရိုက်တစ်ခါထဲ အသုံးပြုနိုင်ပါတယ်။ 

☘ မည်သည့်ဆေးကို အသုံးပြုပြု အရင်ဆုံး မိမိကိုယ်တွင်းမှာ ရှိနေတဲ့ သွေးချို ပမာဏကို တိုင်းတာဖို့လိုအပ်ပြီး တတ်ကျွမ်းသည့် ဆရာ၀န် များ၏ လမ်းညွှန်မှု့အတိုင်း လိုက်နာဆောင်ရွက်သင့်ပါတယ်။

#vaa

#vhcaalumniassociation

#insulin