ရာသီတုပ်ကွေးရောဂါအကြောင်း သိကောင်းစရာများ

 ရာသီတုပ်ကွေးရောဂါအကြောင်း သိကောင်းစရာများ 

 

အခုလို မိုးဦးကာလမှာ သားသား၊မီးမီးလေးတွေ ဖျားနာတတ်ပါတယ်။ မိုးရာသီမှာ အအေးမိ၊ နှာစေး၊ ချောင်းဆိုး နဲ့ တခြား ရောဂါမျိုးစုံတို့ ဖြစ်နိုင်တယ်။ 

ရောဂါပိုးကို သယ်ဆောင်တဲ့ပိုးမွှားတွေ ပေါက်ဖွားမှုများတဲ့ ရာသီဖြစ်တဲ့အတွက် တခြားရာသီတွေထက် ဖျားနာတာတွေက ပိုဖြစ်တတ်ပါတယ်။ 

 

သားသားမီးမီးတို့ လွယ်လွယ်ကူကူ ဖျားနာတာတွေ မဖြစ်အောင် -

🍱 ကိုယ်ခံအားကောင်းအောင် အာဟာရပြည့်ပြည့်ဝဝ ကျွေးရမှာတွေ 

🦟ရောဂါပိုးသယ်ဆောင်လာတဲ့ ပိုးမွှားတွေ မထိတွေ့နိုင်အောင် ကာကွယ်ရမှာတွေ

👨‍👨‍👧‍👦 ဖျားနာတဲ့ သူတွေနဲ့ မထိတွေ့အောင် ရှောင်ကြဉ်ရမှာတွေက ဖေဖေမေမေတို့ရဲ့ တာဝန်ပါနော်။ 

 

အခုလို ရာသီမှာ သာမန်ဖျားနာတာ ၊  ရာသီတုပ်ကွေး ၊  သွေးလွန်တုပ်ကွေး ၊  ဝမ်းပျက်ဝမ်းလျှော ၊  အသည်းရောင် အသားဝါ  (A) ရောဂါ  စတာတွေ အဖြစ်များပါတယ်။ 

 

သာမန်ဖျားနာတာဟာ ကူးစက်လွယ်ကူပြီး ခန္ဓာကိုယ်ထဲ ဗိုင်းရပ်စ်ဝင်ရင် ဖြစ်နိုင်ပါတယ်။ 

 

အထူးသဖြင့် အသက်ရှုလမ်းကြောင်းကို ဗိုင်းရပ်စ် ဝင်ရင် ဖျားတာ၊ နှာစေးတာတို့ ကိုယ်ပူတာတို့ ဖြစ်နိုင်ပါတယ်။ 

သာမန်ဖျားနာတာကို ကာကွယ်ဖို့ဆို အပြင်သွားရင် နှာခေါင်းစည်းတပ်တာတို့ ကိုယ်ခံအားကောင်းအောင် ကျန်းမာရေးနဲ့ ညီညွတ်အောင် ပြုမူ‌နေထိုင်စားသောက်မယ်ဆိုရင် ကာကွယ်နိုင်ပါတယ်။ 

 

ရာသီတုပ်ကွေး Seasonal Flu or Influenza ဟာ သာမန်ဖျားနာတာလိုပဲ ဗိုင်းရပ်စ်ကြောင့်ဖြစ်ပြီး ကူးစက်လွယ်ပါတယ်။ သာမန်ဖျားနာတာနဲ့ မတူတာကတော့ ရာသီတုပ်ကွေးဟာ ကလေးငယ်တွေမှာ ပိုအန္တရာယ်ရှိပါတယ်။ 

 

ကလေးငယ်တွေမှာ ရာသီတုပ်ကွေးဖြစ်ရင် ဆေးကုသမှု လိုအပ်ပါတယ်။ အထူးသဖြင့် အသက် ၅ နှစ်အောက် ကလေးတွေမှာ ရာသီတုပ်ကွေးဖြစ်ပြီး နောက်ဆက်တွဲ ရောဂါတွေ ဝင်နိုင်ပါတယ်။ 

 🔸နမိုနီးယား လို့ခေါ်တဲ့ အဆုတ်ကို ရောဂါပိုးဝင်ပြီး အဆုတ်ရောင်ရောဂါဖြစ်ခြင်း

🔸ရေဓာတ်ခန်းခြောက်ခြင်း

🔸နာတာရှည်ရောဂါဖြစ်ခြင်း  (ဥပမာ-နှလုံးရောဂါ၊ asthma ရောဂါ)

🔸ဉာဏ်ရည်ထိခိုက်ခြင်း

🔸ထိပ်ကပ်နာ

🔸နားရောဂါ 

✳️တချို့ အခန့်မသင့်ရင် အသက်သေဆုံးတဲ့ အထိ ဖြစ်နိုင်ပါတယ်။

ဒါကြောင့် ရိုးရိုးဖျားတာပါဆိုပြီး မပေါ့ဆကြဖို့ တိုက်တွန်းနှိုးဆော်အပ်ပါတယ်ရှင်။

#vaa

#ကျန်းမာရေး

#ရာသီတုပ်ကွေး