Skip to main content

Beer ဆိုးကျိုး

 အားလုံးပဲမင်္ဂလာပါခင်ဗျာ

ဘီယာရဲ့ ကောင်းကျိုးလေးတွေသိခဲ့ရပြီဆိုတော့ အခုဘီယာရဲ့ ဆိုးကျိုးတွေကိုပြောပြပေးမှာဖြစ်ပါတယ် 🤗


🍻ဘီယာ၏ ဆိုးကျိုးများ🍻


အခုဖော်ပြမယ့် ဘီယာသောက်ခြင်းရဲ့ ဆိုးကျိုးတွေကတော့ တစ်နေ့ကို ဘီယာ နှစ်ခွက် နဲ့အထက် သောက်သုံးတတ်သူတွေမှာ ဖြစ်တတ်တဲ့ ဆိုးကျိုးတွေဖြစ်ပါတယ်။


 🗣️ဘီယာ ဗိုက်ထွက်လာခြင်း


ဘီယာကို အလွန်အကျွံသောက်သုံးတတ်တဲ့ အမျိုးသားတွေမှာ ဝမ်းဗိုက်ဆူဖြိုးပြီး ဘီယာဗိုက်ထွက်လာတတ်ပါတယ်။ အတန်အသင့်သောက်သုံးခြင်းကတော့ အဝလွန်ခြင်းကို မဖြစ်စေပါဘူး။


🗣️လေချဥ်တက်ခြင်း


ဘီယာဟာ အစာချေရည်ထွက်ခြင်းကို လှုံ့ဆော်ပေးနိုင်တဲ့ ပစ္စည်းတွေ ပါဝင်တာကြောင့် လေချဉ်တက်ခြင်းနဲ့ ရင်ပူခြင်းတို့ကို ဖြစ်စေနိုင်ပါတယ်။


 🗣️သွေးတက်ခြင်း


နေ့စဉ် ဘီယာသောက်သုံးခြင်းဟာ သွေးဖိအားကို တိုးလာစေနိုင်ပါတယ်။


 🗣️မူးယစ်ခြင်း


ဘီယာမှာ အယ်ကိုဟောဓာတ်ပါဝင်တာကြောင့် အလွန်အကျွံသောက်ရင် မူးလာမှာဖြစ်ပါတယ်။ ဒီလိုမူးယစ်လာပြီဆိုရင် ယာဉ်တိုက်မှုနဲ့ အခြားမတော်တဆမှုတွေ အများကြီးဖြစ်နိုင်ပါတယ်။


 🗣️သွေးကြွရမ်းကားခြင်း


ဘီယာအရှိန်လေးတက်လာပြီး မူးယစ်လာပြီဆိုရင် တစ်ချို့တွေက ရမ်းကားတတ်လာပါတယ်။ သူတို့မျက်လုံးထဲမှာ ဘယ်သူ့ကိုမဆို အနိုင်ယူနိုင်မယ်လို့ ထင်နေတတ်ပါတယ်။ မလိုလားအပ်တဲ့ ပြဿနာတွေ ဖြစ်မလာအောင် ထိန်းသိမ်းနိုင်တာ အကောင်းဆုံးပါပဲ။


 🗣️ရေဓာတ်ခန်းခြောက်ခြင်း


သင် သောက်သုံးလိုက်တဲ့ ဘီယာရဲ့ (၁၀)ရာခိုင်နှုန်းလောက်ကပဲ ဆီးပြန်သွားပါတယ်။ ကျန်တဲ့ (၉၀)ရာခိုင်နှုန်းကို ခန္ဓာကိုယ်ကနေ ရှင်းထုတ်ဖို့အတွက် အသည်းက ရေဓာတ်ကို ပိုမိုလိုအပ်ပါတယ်။ 


ဒီအခါမှာ ဦးနှောက်အပါအဝင် ခန္ဓာကိုယ်ရဲ့အခြားကိုယ်အင်္ဂါအစိတ်အပိုင်းတွေမှာ ရှိတဲ့ ရေဓာတ်ကို ယူပြီး သန့်စင်မှုလုပ်ပါတယ်။ ဒါ့ကြောင့် ခေါင်းကိုက်တတ်တာဖြစ်ပါတယ်။ 


🥛ဘီယာတစ်ခွက်နဲ့တစ်ခွက်ကြားမှာ ရေတစ်ခွက်သောက်ပေးရင် ဒီလိုမဖြစ်အောင် ကူညီနိုင်ပါတယ်။🥛


 🗣️အရက်နာကျခြင်း


ညဖက်မှာ အလွန်အကျွံသောက်သုံးမိရင် မနက်ကျရင် ခံရမှာ ဖြစ်ပါတယ်။ ခေါင်းအုံတာ၊ ခေါင်းကိုက်တာ၊ ခံတွင်းပျက်တာ စတာတွေ ကြုံတွေ့ရမှာပါ။


ကဲ ဘီယာရဲ့ဆိုးကျိုးလေးတွေသိပြီဆိုတော့ "တန်ဆေး လွန်ဘေး" ဆိုတဲ့အတိုင်း ဘီယာကို (၂) ခွက်ထပ် ပိုမသောက်မိဖို့ တိုက်တွန်းရင်း ဘီယာဗိုက်ပူခြင်းဘေးမှ ကင်းဝေးနိုင်ကြပါစေဗျာ 😁


#vaa

#beerဆိုးကျိုးများ

Labels:

Comments

Post a Comment

Popular posts from this blog

Otomycosis ( နားမှိုစွဲခြင်းရောဂါ )

 Otomycosis ( နားမှိုစွဲခြင်းရောဂါ )      🙋  အားလုံးပဲ   မင်္ဂလာပါ 🙋 VAA ရဲ့စာဖတ်ပရိတ်သတ်တွေအတွက်အခုတစ်ခါမှာတော့ ပရိတ်သတ်တွေရဲ့တောင်းဆိုချက်အရ နားမှိုစွဲခြင်းရောဂါ နဲ့ပတ်သက်ပြီး ဖော်ပြပေးမှာဖြစ်ပါတယ် ။  နားမှိုစွဲခြင်းရောဂါ နဲ့ပတ်သက်ပြီး ဖြစ်ရတဲ့အကြောင်းရင်းတွေ ၊ လက္ခဏာတွေ ၊ ဘယ်လိုဆေးဝါးတွေကို အသုံးပြုနိုင်မလဲ ၊ ဆောင်ရန် ၊ ရှောင်ရန် ၊နောက်ဆက်တွဲ ပြဿနာတွေ နှင့် ကာကွယ်နည်းများကို ပြည့်ပြည့်စုံစုံ တင်ဆက်ပေးလိုက်ပါတယ် ။ နားမှိုစွဲရောဂါ ကို ဆေးပညာအရ Otomycosis လို့ ခေါ်ပါတယ်။ မြန်မာနိုင်ငံလိုမျိုး ပူနွေးစိုစွတ်တဲ့ နိုင်ငံတွေမှာ အတွေ့ရများပါတယ်။ နွေရာသီလို ပူပြင်းတဲ့အချိန်မှာ ပိုဖြစ်တတ်ပါတယ်။ နားမှိုစွဲရောဂါက များသောအားဖြင့် နားအပြင်ပိုင်းမှာ ဖြစ်တာ များပါတယ်။ နားအလယ်ပိုင်းမှာ ဖြစ်တာလည်း ရှိပါတယ်။ တစ်ဖက်တည်း ဖြစ်တာများပါတယ်။ 🔴 နားမှိုစွဲရောဂါ ဖြစ်ရတဲ့ အကြောင်းရင်း နားမှိုစွဲရောဂါက နာမည်အတိုင်းပဲ မှိုပိုးကြောင့် ဖြစ်တာပါ ။ မှိုပိုးတွေ အများကြီးရှိတဲ့အထဲကမှ နားမှိုစွဲစေတဲ့ ပိုးတွေကတော့ Candida နဲ့ Aspergillus လို့ခေါ်တဲ့ မှို နှစ်မျိုးပဲ ဖြစ်ပါတယ် ။ အဲ...
Post a Comment
Read more

Circulation of Blood

 Circulation Of Blood           မင်္ဂလာပါ VAA Facebook  Page  မှ ပရိတ်သတ်ကြီးများခင်ဗျာ   အခု​ဖော်ပြပေးမယ့် အကြောင်းအရာလေးကတော့ ခန္ဓာကိုယ်အတွင်းမှာလှည့်ပတ်နေတဲ့ သွေးအကြောင်းပဲဖြစ်ပါတယ် ။ သွေးထဲမှာဆိုရင် သွေးရည်ကြည်၊သွေးနီဥ ၊ သွေးဖြူဥ ၊ သွေးဥမွှားတွေပါရှိပြီး သူတို့လေးတွေကရော ဘာလုပ်ငန်းတွေလုပ်ဆောင်တာလဲ?  ဒါ့အပြင် နှလုံးရဲ့ လုပ်ငန်းဆောင်တာတွေ ၊ သွေးလွှတ်ကြော ၊ သွေးပြန်ကြောတွေကရော ဘာတွေလဲ? စသဖြင့် ဗဟုသုတ ရစေရန် ရည်ရွယ်၍ တင်ဆက်ပေးလိုက်ပါသည်။  ခန္ဓာကိုယ်တွင်း သွေးလှည့်ပတ်သွားလာခြင်း  ( Circulation of Blood )  ခန္ဓာကိုယ် သွေးလှည့်ပတ်ခြင်းစနစ်တွင်        (၁) သွေး       (၂) နှလုံး နှင့်       (၃) သွေးကြောများ စသည်တို့ ပါဝင်ပါသည် ။ (၁)   သွေးအကြောင်း          သွေးသည် သွေးကြောများ အတွင်းတွင် အရည်အဖြစ် လှည့်ပတ်လျက်ရှိသည် ။ ခန္ဓာကိုယ် အသက်ရှင်ရန်အတွက် အရေးကြီးသည် ။ သွေးသည် အသက် ဖြစ်သည် ။ မည်သည့်နေရာမှမဆို သွေးယိုထွက်ခြင်း လွန်ကဲပါက အသက်ဆုံးရှုံးန...
Post a Comment
Read more

ရာသီအပြောင်းအလဲမှာ ဓာတ်မတည့်ဖြစ်တတ်သူတိုင်း သတိထားသင့်တဲ့ အချက်များ

  နှစ်တစ်နှစ်တာရဲ့ အချိန်တစ်ခုကို ရောက်လာပြီဆိုရင် နှာချေတာ ၊ ချောင်းဆိုးတာ ၊ နှာရည်ယိုတာတွေကို ခံစားရပြီဆိုရင် သေချာတာက ရာသီအကူးအပြောင်းကြောင့်ဖြစ်တဲ့ ဓာတ်မတည့်မှုကို ခံစားနေရတာပါ ။ ရာသီဥတုကြောင့် ဓာတ်မတည့်မှု ခံစားရသူတွေဟာ ဆောင်းဦးကာလ နွေဦးကာလတွေကို ရောက်လာပြီဆိုရင် လေထုထဲမှာ ဝတ်မှုန်တွေ မှိုတွေ များလာတာကြောင့် ဓာတ်မတည့်မှုကို ခံစားရပါတယ် ။ ဒီလိုမျိုး ရာသီအပြောင်းအလဲမှာ ဖြစ်တတ်တဲ့ ဓာတ်မတည့်မှု ခံစားရနိုင်ခြေကို မခံစားချင်ဘူးဆိုတဲ့ သူလေးတွေ ရှိပါသလား ။  ဒါဆိုရင်တော့ ဒီဆောင်းပါးလေးထဲမှာ ရာသီအပြောင်းအလဲမှာ ဓာတ်မတည့်ဖြစ်တတ်သူတိုင်း သတိထားသင့်တဲ့ အချက်တွေ ပြောပြပေးမှာမို့ အတူတူ ဖတ်ကြည့်လိုက်ရအောင်နော် ။ 🔴 ရာသီဥတုကြောင့်ဖြစ်တဲ့ ဓာတ်မတည့်မှု ဆိုတာ - ရာသီအကူးအပြောင်း ဖြစ်ချိန်မှာ သစ်ပင်တွေကနေ ကျတဲ့ ဝတ်မှုန်တွေ ၊ မြက်တွေကနေ ထွက်တဲ့ ဝတ်မှုန်တွေကြောင့် ဓာတ်မတည့်မှုကို ခံစားရနိုင်ပါတယ် ။ ဒါကြောင့် ပန်းတွေ ပွင့်တတ်တဲ့ နွေဦး နဲ့ ဆောင်းဦးကာလတွေမှာ ရာသီဥတုကြောင့်ဖြစ်တဲ့ ဓာတ်မတည့်မှုတွေကို ခံစားရနိုင်ပါတယ် ။ 🔴 ဘယ်အချက်တွေက ရာသီအပြောင်းအလဲမှာ ဓာတ်မတည့်တာကို ဖြစ်စေနိုင်တာလဲ ရာသီအပြောင်းအလဲမှ...
Post a Comment
Read more